Comparação Telefone Android ho Telefone iphone

        Loron diak Belun Blogger Timor Leste... Iha loraik kmanek ne'e Belun lupussousa hakarak fahe oituan diferencia husi smartphone Android kompara ba iPhone jatamente ho ita nia Lingua Tetum rasik hehehehe.

Diak ita hotu hatene katak Smartphone sai hanesan necessidade loron-loron iha século 21 ida ne'e. Multifunciona, kapa's no mos sasan nebe'e mak ita dehan besik liu ho ema signifika sasan  nebe'e mak  presija duni atu lori loron-loron no dala sai hanesan belun diak ba ita heheheh. Maibe ita hatene katak smartphone hotu-hotu ema halo tuir nia especificação no tuir nia função.

Ohin loron se ita koalia kona ba parte smartphone ntaun ita sei la ses husi liurai Smartphone nebe'e mak famoso Apple iPhone nebe'e mak popular iha fatin nebe'e deit no nia kontra mak smartphone ho nia platforma Android nebe'e mak dezenho husi google. No agora hau koko atu fahe pontos principal husi smartphone rua ne'e nia diferença.

Husi Parte Utilidade

        Molok ita continua ba oin, iha buat ida nebe'e mak ita tenke komprende didiak. Android laiha naran ida maka dehan official phone ba telefone Android, hanesan ho laiha naran ida nebe'e mak official ba "Windows". Android hanesan naran ida ba sistema oprativo telefone rezultar dezemvolvimento husi google, tamba ne'e se ita kompara Android ho iPhone ne'e iha diferencia bo'ot tebes, tamba sistema operativo iPhone ne'e so bele lao deit iha makina telefone fabrika husi Apple deit no labele lao ou instala iha telefone seluk hanesan Lg, Samsung Galaxy no smartphone ida nebe'e deit, maibe Android ne'e nia karakteriska open source "bele dehan free" tamba ne'e Android bele uja iha smartphone seda deit to'o telephone Jinjang mos bele... heheheheh...

         Tan ne'e ema sira nebe'e mak usuários smartphone buka deit smartphone nebe'e "WOW KAPA'S...!!!" possível liu ema sira ne’e gosta liu mak iPhone tamba iPhone ne'e simple nune'e nia kontrolo ba touch screen ne'e sensitivo no ita senti kman no interaktivo tebes ho nia sismtema operativo no nia aplikasaun sira. Maibe ita hare didiak tan, buat barak nebe'e iPhone iha Android mos iha. Belun hakarak liga ba web? Android mos bele. Belun hakarak touch screen hotu? Android mos bele. Ou belun hakarak game ou hare video iha youtube? Belun Android mos bele. Se belun hare ona HTC ida Nexus One ne'e, mais ou menus nia diferencia maka'as liu ho iphone ne'e saida? Hau hanoin husi parte teknis ne’e laiha...

       Diferencia nebe'e mak bo'ot los mak iPhone ne'e smartphone nebe'e mak nia software único. Enquanto Android hanesan platform software nebe'e mak bele hetan iha smartphone modelo oi-oin. Se ita kompara didiak iPhone ho Android ne’e hanesan mos ita kompara Macs ho PC.

Belun sira tenque hatene katak iPhone ne’e nia protege makas no kontrola buat nebe'e mak atu mosu iha iPhone laran. Maibe Android oin seluk fali nia fo ita full control no fo livre ba ita atu halo seda deit tuir iha nia hakarak iha ita nia smartphone laran (Open Source).

Hare Husi Parte Aplikasaun

     Husi fator aplikasaun tuir hau nia hanoin buat nebe'e mak diferente liu wainhira ita halo komparasaun iPhone ho Android mak iPhone agora dadaun iha tena aplikasaun barak ba iTunes. Sira ne'e mak hun husi iPhone atu hetan rendimento. No android nia aplikasaun sei oituan kompara ho iPhone. Maibe iha ne'e mak mosu liafuan ida "FREEDOM". 

Ho Android ita bele halo instalasaun husi pagina web ida (jatamente ho processa download) ou ita bele fahe documentos nebe’e ita download tena ba kolega seluk hodi halo instalasaun ba nia smartphone no ita mos bele halo no fahe resultado husi ita nia aplikasi ne’e ba ema seluk, maibe iphone ita la fo direito atu muda tun sae ou halo aplikasi mesak iha ita nia smartphone laran, no se ita atu install aplikasaun foun ita tenke ba iStore, no ita mos tenke iha konta(account iha lingua ingles’) ida ba iphone, no kada aplikasaun ita tenke hola nia licensa. No iphone mos la fo ita atu ita bele halo modifikasaun ba apliksaun ou ba smartphone rasik.

       Conclusão, iPhone lakoi iha competição no mos lakoi hatudo aplikasaun nebe’e mak nia naran bele sai bo’ot liu fali iPhone ne’e nia naran rasik. Se Belun hakarak modifikasi iha aplikasaun ou hakarak sai programmer smartphone karik belun sei hakarak liu Android. Maibe se belun hakarak uja atu halo jeito deit entaun belun sei foti iPhone.

Diak Belun… Se hakarak hatene diak liu responde husi  usuários smartphone rua ne’e ita bele koko fo’ tok smartphone iPhone ho HTC Nexux One ba ema matan foun ida hodi hili, nia sei hili ida nebe’e.Ita sei hatene smartphone nebe’e mak usuários sira gosta liu… heheheheh

Diak Belun Blogger, ida ne’e mak hau hakarak fahe ba belun sira hotu…